രാജ്യത്ത് നുഴഞ്ഞു കയറാന്‍ ശ്രമിച്ച പാകിസ്ഥാന്‍ ഭീകരനെ സുരക്ഷാ സേന വെടി വെച്ചു കൊന്നു. രാജസ്ഥാനിലെ ഇന്ത്യ-പാക് അതിര്‍ത്തിയില്‍ കഴിഞ്ഞ ദിവസം രാവിലെയാണ് സംഭവം നടന്നത്. സംശയാസ്പദമായ സാഹചര്യത്തില്‍ ഇയാള്‍ അതിര്‍ത്തി കടക്കുന്നതു കണ്ടതിനെ തുടര്‍ന്ന് സുരക്ഷാ സേന ഇയാളോട് കീഴടങ്ങാന്‍ ആവശ്യപ്പെടുകയായിരുന്നു. എന്നാല്‍ പിന്മാറാന്‍ തയ്യാറാകാതിരുന്നതോടെ ഇയാള്‍ക്ക് നേരെ സേന വെടിയുതിര്‍ക്കുകയായിരുന്നു. അനുപ്ഗറിലെ ശ്രീ ഗംഗാനഗര്‍-ബികാനേര്‍ പ്രദേശത്ത് കൂടിയാണ് പാക് ഭീകരന്‍ രാജ്യത്തേയ്ക്ക് അതിക്രമിച്ച് കടക്കാന്‍ ശ്രമിച്ചത്. സംഭവ സ്ഥലത്ത് അന്വേഷണം പുരോഗമിക്കുകയാണ്.
Discussion about this post