ഇന്ത്യയുടെ 72-ാമത് റിപ്പബ്ലിക് ദിനാഘോഷത്തിൽ പങ്കെടുക്കാൻ എത്തുന്നത് അഞ്ചു രാഷ്ട്രനേതാക്കൾ . താജിക്കിസ്ഥാനിലെ ഇമോമാലി റഹ്‌മോൻ, കസാക്കിസ്ഥാനിലെ കാസിം-ജോമാർട്ട് ടോകയേവ്, കിർഗിസ്ഥാന്റെ സദിർ ജാപറോവ് , തുർക്ക്മെനിസ്ഥാനിന്റെ ഗുർബാംഗുലി ബെർദിമുഹമെഡോവ്, ഉസ്ബെക്കിസ്ഥാനിലെ ഷവ്കത് മിർസിയോയേവ് എന്നിവരാണ് ജനുവരിയിൽ, ഡൽഹിയിലേയ്ക്ക് പറക്കുക .
രാജ്യത്തിന്റെ സൈനിക കരുത്തും സാംസ്കാരിക വൈവിധ്യവും എടുത്ത് കാണിക്കുന്നതായിരുന്നു കഴിഞ്ഞ തവണത്തെ റിപ്പബ്ലിക്ക് ദിന പരേഡ്. ലെഫ്‍നന്റ് ജനറൽ വിജയ് കുമാർ മിസ്രയാണ് ഇത്തവ റിപ്പബ്ലിക്ക് ദിന പരേഡിനെ നയിച്ചത്.25,000 പേരാണ് പരേഡ് കാണാനെത്തിയത്. അഫ്ഗാന്റെ നിയന്ത്രണം താലിബാൻ ഏറ്റെടുക്കുകയും , ലോകം ഒമിക്രോൺ ഭീഷണിയിലാകുകയും ചെയ്ത സാഹചര്യത്തിലും ഇന്ത്യ ശക്തമായ രീതിയിൽ നയതന്ത്രബന്ധങ്ങളുമായി മുന്നോട്ട് പോകുകയാണ് .
1991-ന്റെ അവസാനത്തിൽ സോവിയറ്റ് യൂണിയൻ ശിഥിലമാകുകയും 15 പ്രവിശ്യകൾ സ്വതന്ത്ര രാഷ്ട്രങ്ങളായി മാറുകയും ചെയ്ത സമയത്താണ് , ഉസ്ബെക്കിസ്ഥാന്റെ അക്കാലത്തെ ഏറ്റവും ശക്തനായ നേതാവ് ഇസ്മായിൽ കരിമോവ് ഇന്ത്യ സന്ദർശിച്ചത് .
അന്ന് പ്രോട്ടോക്കോൾ കാരണങ്ങളാൽ കരിമോവിനെ ഡൽഹിയിൽ നിന്ന് മാറ്റേണ്ടതുണ്ടെന്നായിരുന്നു വിദേശകാര്യമന്ത്രാലയത്തിന്റെ നിലപാട് . അങ്ങനെ, അന്നത്തെ പ്രധാനമന്ത്രി പി.വി. നരസിംഹ റാവു ഉൾപ്പെടെയുള്ളവർ ചേർന്ന് അദേഹത്തെ ആഗ്രയിലേയ്ക്ക് മാറ്റി. മുഗൾ ചക്രവർത്തിമാർ നിർമ്മിച്ച താജ്മഹലും മറ്റ് സ്മാരകങ്ങളും സന്ദർശിച്ചപ്പോൾ അദ്ദേഹത്തിന് ഏറ്റവും ആഡംബരപരമായ ആതിഥ്യമാണ് ഇന്ത്യ തനിക്ക് നൽകുന്നതെന്ന തോന്നലാണ് ഉണ്ടായത് .
Discussion about this post